Obxectivos e contidos do obradoiro

Un obradoiro pensado para achegarse ao teatro musical dun xeito divertido e accesible. Traballaremos interpretación, canto, movemento e expresión corporal, aprendendo a combinar estas disciplinas a través de xogos, exercicios e pequenas escenas musicais (cunha mostra final).

Non é necesaria experiencia previa, só ganas de aprender, expresarse e pasalo ben!

Obxectivos do obradoiro:

• Achegarse ao teatro musical dun xeito lúdico e accesible.
• Desenvolver a expresión corporal, vocal e interpretativa.
• Traballar a coordinación entre interpretación, canto e movemento.
• Mellorar a confianza, a autoestima e a capacidade de expresión.Fomentar a creatividade e a imaxinación.
• Aprender nocións básicas de interpretación, canto e danza aplicadas ao teatro musical.
• Potenciar o traballo en equipo e a escoita entre participantes.
• Perder o medo escénico e gañar seguridade á hora de actuar diante doutras persoas.
• Coñecer e experimentar con diferentes estilos e recursos propios do teatro musical.
• Crear pequenas escenas ou números musicais de maneira colectiva.

Contidos do obradoiro:

• Interpretación: expresión de emocións, creación de personaxes e traballo de escenas.
• Expresión corporal: conciencia corporal, movemento, presenza escénica e coordinación.
• Voz e canto: respiración, colocación vocal, dicción, afinación e interpretación de cancións.
• Danza e movemento escénico: pasos básicos, coordinación e coreografías sinxelas.
• Teatro musical: características e elementos fundamentais do xénero.
• Improvisación: xogos teatrais, espontaneidade e creatividade.
• Traballo en equipo: escoita, confianza, cooperación e creación colectiva.
• Montaxe escénica: preparación e interpretación de varios números musicais.

Currículo dos educadores

Alex Rocha: profesional das artes escénicas con máis de 10 anos de formación na Escola de Teatro de Narón, especializado en teatro musical e creación colectiva. Conta con experiencia como actor e director en diversos proxectos teatrais, espectáculos musicais e propostas educativas, traballando tanto con público infantil como adulto.

Irene Varela: titulada en Piano e Canto Profesional. Profesora de canto, técnica vocal e solfexo con ampla traxectoria docente. Experiencia como cantante solista e coro en entidades como a Orquestra Sinfónica de Galicia e a Europa Chor Akademie, especializada en adestramento e identidades vocais.