Arte urbana comunitaria na Galiza: accións colectivas, territorio e mediación cultural

O curso de verán “Arte urbana comunitaria na Galiza: accións colectivas, territorio e mediación cultural” propón unha aproximación á arte urbana contemporánea na Galiza desde a perspectiva da mediación cultural, a creación colectiva e a transformación do territorio. A través de encontros con artistas, colectivos e entidades vinculadas á xestión cultural e ao muralismo, analizaranse experiencias desenvolvidas no espazo público galego que conectan arte, comunidade e identidade.
As sesións combinarán presentacións, conversas abertas, percorridos guiados e actividades prácticas co obxectivo de achegar ao estudantado os procesos de creación, organización e intervención asociados á arte urbana comunitaria

Obxectivos razoados

• Analizar o papel da arte urbana contemporánea na Galiza como ferramenta de intervención social, mediación cultural e transformación territorial.
• Coñecer os procesos de creación, coordinación institucional, comisariado e xestión cultural asociados a proxectos de muralismo e arte pública.
• Achegar ao estudantado experiencias profesionais desenvolvidas desde o cooperativismo, o asociacionismo veciñal e os proxectos comunitarios.
• Incorporar unha perspectiva inclusiva e de igualdade de xénero no estudo das intervencións artísticas no espazo público.
• Fomentar o diálogo directo entre a universidade, artistas, colectivos culturais e territorio.
• Desenvolver unha experiencia práctica de creación colectiva mediante un proceso de mediación artística cunha narrativa visual centrada na diversidade e igualdade no ámbito universitario.
• Reforzar a articulación entre os distintos campus da UDC e a súa contorna mediante experiencias formativas contextualizadas.

Arte urbana comunitaria na Galiza: accións colectivas, territorio e mediación cultural

16 - 24 de xullo

16 de xullo
11:00–11:30  Inauguración e benvida

• Dra. María Leticia Eirín García, directora do curso
• María Cristina Naya Riveiro, vicerreitora de Divulgación, Cultura e Deporte da Universidade da Coruña (pendente de confirmación)

11:30–13:00  Encontro aberto e coloquio
“Arte urbana, ilustración e compromiso social”
Lugar: Cubo da Normal
Intervén: Eva Agra
Contidos:

• Traxectoria profesional no ámbito da pintura, ilustración e intervención artística en espazos públicos.
• Proxectos vinculados á igualdade, á memoria e á reivindicación social.
• Activismo cultural, dinamización local e proxectos artísticos con dimensión social.

20 de xullo

11:00–13:00 Obradoiro e diálogo aberto
“Cooperativismo cultural e creación colectiva”
Lugar: Cubo da Normal
Intervén: 7H Cooperativa Cultural
Contidos:

• Cooperativismo cultural e economía social.
• Procesos de creación colectiva e mediación artística.
• Prácticas colaborativas e participación comunitaria no territorio.

21 de xullo
16:00–16:30  Desprazamento A Coruña–Carballo
Saída desde o Pazo dos Deportes de Riazor.  Enderezo: Calle de Manuel Murguía, 15011, A Coruña (Galiza)
16:30–17:00 Presentación e diálogo aberto
"Rexenera Fest: arte urbana, territorio e cooperación institucional”
Lugar: Carballo (A Coruña)
Intervén: Maite Parga Ures, técnica de Turismo do Concello de Carballo, e Mutante Creativo, colectivo de arte urbana e comisario do Festival Rexenera Fest.
17:00–19:00 Visita guiada polos murais máis destacados de Carballo
Contidos:

• Procesos de planificación e desenvolvemento dun festival de arte urbana.
• Comisariado artístico e relación coas institucións locais.
• Produción, implantación e mantemento das intervencións murais.
• Análise do impacto territorial, cultural e turístico da arte urbana en Carballo.

19:00–19:30  Diálogo co alumnado e reflexións finais
Lugar: Pazo da Cultura de Carballo.  Enderezo: Rúa Pan, s/n, 15100 Carballo, A Coruña

19:30–20:00 Regreso ao Pazo dos Deportes de Riazor

23 de xullo
16:00–16:45  Desprazamento A Coruña–Ferrol
Saída desde o Pazo dos Deportes de Riazor.  Enderezo: Calle de Manuel Murguía, 15011, A Coruña (Galiza)
17:00–17:30 Visita ao obradoiro de Eduardo Hermida Dopico
“Xénese dun proxecto artístico comunitario”
Enderezo: Rúa Barrié de la Maza 9–11, 15401 Ferrol
17:30–18:30 Visita guiada aos murais máis significativos do Barrio de Canido
"Arte, barrio e creación colectiva”
Intervén: Agrupación Artístico Cultural Meninas de Canido
Contidos:

• Construción e mantemento dun proxecto artístico comunitario de longo percorrido.
• Participación veciñal e revitalización urbana.
• Impacto social, cultural e identitario da arte urbana nun barrio histórico.

18:30–19:15 Regreso ao Pazo dos Deportes de Riazor

24 de xullo
10:00–14:00 Obradoiro práctico de mediación artística
“Creación colectiva e narrativa visual inclusiva”
Lugar: Pavillón do Centro Normal da Universidade da Coruña.

Intervén: Lara Torres
Contidos:

• Introdución á mediación cultural no muralismo.
• Desenvolvemento dun proceso participativo de creación artística.
• Elaboración dunha narrativa visual inclusiva vinculada á diversidade e á igualdade.
• Reflexión final colectiva sobre arte, espazo público e comunidade.