Curso práctico orientado a quen xa dispón dun manuscrito e quere transformalo nun libro listo para publicar. Desde a corrección ortotipográfica ata a creación de eBooks e audiolibros, pasando pola maquetación de libros impresos e a publicación en plataformas internacionais, o alumnado aprenderá a dominar o proceso completo de autoedición con ferramentas accesibles e ao seu alcance.

Obxectivos:

• Comprender as fases do proceso de autoedición e os seus estándares básicos.

• Coñecer a anatomía do libro impreso e identificar os erros máis habituais de maquetación.

• Aprender a preparar arquivos profesionais para impresión baixo demanda.

• Saber editar e validar un ePub con ferramentas abertas (Calibre).

• Familiarizarse cos fundamentos do audiolibro e coas ferramentas de auto-narración.

• Crear contas en KDP, Google Books e Apple Books e publicar un ơtulo completo.

• Elaborar unha ficha de produto efectiva (descrición, palabras clave, categorías).

• Introducirse no marketing do libro e nas métricas de seguimento.

DOCENTE:

Richi Rozas é licenciado en Filoloxía Inglesa (USC), con CAP (UDC) e Programa Superior en Marketing Dixital (ESIC). Ten máis de 15 anos de experiencia docente e 10 anos de experiencia en márketing internacional (España, Italia, Austria e China). Desde 2023 interveu en máis de 30 obras autoeditadas e colabora con autores independentes e institucións para converter manuscritos en edicións profesionais —papel, libro dixital e audiolibro—, asegurando estándares editoriais profesionais e xestión de catálogos nas principais canles de distribución global.

1. Introdución á autoedición:   que é, fases, visión xeral. Diferenza entre autoedición e autopublicación.

2. Preparación do manuscrito:   ferramentas accesibles (MS Word, LibreOffice). Corrección ortotipográfica e estándares básicos.

3. Libro impreso I:   anatomía do libro (miolo, cubertas, solapas, ISBN, código de barras).

4. Libro impreso II:    composición e erros habituais (viúvas, orfas, rosarios). Preparación dun PDF para impresión baixo demanda (KDP).

5. Libro dixital I:   que é un ePub, anatomía básica, estrutura interna, metadatos.

6. Libro dixital II:   práctica con Calibre: abrir, editar e validar un ePub.

7. Audiolibros, anatomía dun audiolibro, ferramentas de auto-narración (Google), panorama do mercado.

8. Publicación e difusión: plataformas (KDP, Google Books, Apple Books); ficha de produto: descrición, palabras clave, categorías BISAC/THEMA, prezos por territorios; introdución a marketing e métricas básicas.