A viaxe

Creación colectiva dunha peza de danza contemporánea de arredor de 15min.

Na procura dunha dirección concreta, na procura da identidade, na procura do mar.

Xogaremos coa idea dunha viaxe que nos dirixe, da dirección, da brúxula, do faro que nos anuncia a costa, indagando na identidade galega, pescadora, costeira e emigrante.

Persoaxes á procura da súa identidade colectiva.

• Selección de 10 -15 persoas para a creación da peza, a través dunha proba – clase. Buscamos un perfil de bailarina/ín xa iniciado en danza contemporánea ou urbana, non profesional, mais con compromiso de asistencia ós ensaios e ás actuacións.
• Unha vez elixido o elenco, a proposta de ensaios é os mércores de 19:00 a 21:00h , escollendo as sesións segundo a dispoñibilidade das directoras, cun total de 35h. Os ensaios terán lugar de Outubro a Marzo, para a estrea nos Festivais Universitarios que teñen lugar en Abril, para os cales nos turnaremos entre as dúas directoras.

• Viaxe, por terra e por mar.
• Historias persoais e familiares de emigración e inmigración galega (na procura da persoaxe de cada unha). Elaboralo a partires da súa historia, que escribirán co maior detalle posible. Poderán ser historias reais, de familiares e ancestros delas, ou, se non coñecen a ninguén que emigrara, inventala co maior detalle posible. Basearémonos tamén en exemplos de historias que as directoras proporán.
• A procura da identidade colectiva, como pobo, indagando a través das tradicións e a idiosincrasia galega.
• Aparellos que nos guían no camiño: brúxulas, faros.
•  Xogo con maletas de diferentes tamaños.

O alumnado da UDC terá dereito ao recoñecemento de créditos (asistencia mínima do 85%).