Pequenas rutas a pé, de dificultade baixa ou moderada cunha duración aproximada de 3 - 4 h, polos diferentes concellos das nosas comarcas. Programaremos, a lo menos, unha saída ao mes para gozar dunha actividade saudable ao aire libre dirixida a todos os perfís de idade e condición física, e sempre acompañados de persoal especializado. Grupos mínimos de 8 persoas e máximo de 35.

As persoas participantes deberán ter 18 anos. No caso de persoas menores, deberán ir acompañadas polo/a seu/súa pai/nai/titor/titora (que deberán estar inscritos/as tamén).

Recomendacións básicas para facer a túa ruta a pé:

• Levar roupa cómoda consonte ás condicións climáticas e meteorolóxicas. Dependendo da época do ano, incluír un chuvasqueiro e roupa de substitución en previsión dunha molladura.
• Calzado cómodo e adecuado ao roteiro. Non se recomenda estrear calzado, mellor utilizar un xa utilizado en anteriores ocasións.
• Algo de comida para recargar enerxías, como algunha peza de froita (plátanos, uvas, fresas), barriñas enerxéticas, galletas ou froitos secos.
• Unha botella de auga para poder levar unha boa hidratación.
• Unha boa opción podería ser levar bastóns de sendeirismo. Aportan maior estabilidade, optimizan o esforzo e axúdannos a preservar as nosas articulacións.

E a máis importante, GOZA da experiencia!

NOTA: As persoas participantes teñen que desprazarse ata o punto de encontro polos seus propios medios. Non está permitido levar mascotas.

Instrucións para vincularse como FAMILIAR (cónxuxes e fillos/as): https://udc.es/export/sites/udc/deportes/_galeria_down/CARTEL-ALTA-E-FAMILIARES.pdf_2063069239.pdf