As hortas urbanas da UDC

As hortas urbanas da UDC buscan avanzar na xestión ambiental sustentábel do campus e contribuír á concienciación ambiental da comunidade universitaria e da sociedade en xeral.

As persoas usuarias (estudantado e persoal) pagan unha taxa anual e reciben unhas xornadas de asesoramento por un experto. No Campus e Ferrol cóntase actualmente con 16 bancais de 1,20 m2 cada un, localizados entre os edificios correspondentes á Escola Politécnica de Enxeñaría e o Edificio de Apoio ao Estudo.

Os obxectivos do proxecto, enmarcado nos actuais procesos de ambientalización das universidades, son:

• Facilitar o contacto co medio natural e o solo produtivo como recurso básico para a sustentabilidde, nunha sociedade cada vez máis urbanizada.
• Fomentar a percepción do solo produtivo como recurso escaso e esencial
• Conservar e mellorar a biodiversidade e a diversidade paisaxística no ámbito do campus, para o que os sistemas de uso tradicional nesta área son elementos chave.
• Facilitar a reciclaxe dos restos orgánicos xerados no campus (comedores universitarios, xardinería) pechando o ciclo da materia orgánica e dos nutrientes no ámbito local.
• Fomentar a percepción do potencial local para a produción de alimentos de calidade.

O uso das hortas e a relación entre as persoas usuarias e a Universidade rexerase polas normas en vigor de hortas da UDC e adaptadas ás características de Ferrol como segue: “Normas de funcionamento das hortas da UDC no Campus Ferrol”.

Máis información