DANZA:

OBRADOIRO DE DANZA: MOVEMENTO CONSCIENTE PARA A CREACIÓN CONTEMPORÁNEA. O DISCURSO CORPORAL (30 horas)

Obradoiro baseado na organicidade do corpo, partindo da relaxación e a movilidade. Desenrrolaránse pautas de movemento para desbloquear distintas calidades corporais. Facilitaránse dinámicas de improvisación grupais co fin de adquirir consciencia do entorno que nos rodea, doutros corpos e os seus límites.

O obradoiro contémplase como unha práctica artística que navega entre disciplinas, que aposta pola experimentación para a creación, nutríndose de diversas técnicas de interpretación e de movemento (danzas urbanas, danza contemporánea, teatro, etc.)

Docente: Alicia López Méndez

Alicia López Méndez (1998) é unha bailarina, intérprete e creadora visual afincada en Santiago de Compostela. Graduada en Belas Artes pola UCM (Madrid, 2023). Actualmente forma parte do elenco de "Dique" (Galicia, 2024), unha coprodución de Nova Galega de Danza e Xunta de Galicia, a través do Centro Coreográfico Galego e baixo a dirección escénica de Marta Pazos. Á súa vez, é beneficiaria dunha residencia artística no marco do programa de Cruceiros Paraíso 2024 (Colectivo RPM), que terá lugar en novembro en Dantzagunea (Errentería, Guipúzcoa).

O alumnado da UDC terá dereito ao recoñecemento de créditos, segundo establece a normativa de aplicación (Resolución reitoral do 17/02/2022)

Trátase dun laboratorio de experimentación e creación corporal. Propoño un achegamento á danza desde a celebración, o ritual e o transo. A través de dinámicas de improvisación pautada, exploraremos distintas formas de mover o corpo e de ocupar o espazo. Traballaremos desde a percepción, desde o orgánico e o sinxelo e iremos desenvolvendo a nosa capacidade de compoñer imaxes, xerar conexións e establecer diálogos coa contorna. É unha práctica que pretende reformular o espazo de formación como un lugar de cocreación multidisciplinar.

Realizaremos prácticas de mobilidade consciente, poñeremos a atención no peso do corpo, na posibilidade do rebote e da vibración. Investigaremos o ton muscular e como este pode cambiar de forma inconsciente, faremos dinámicas de relaxación e de soltar a enerxía contida. Poñeremos o foco na respiración e na súa conexión directa coa mobilidade. Traballaremos a mirada e como esta ocupa e abre o espazo. Faremos dinámicas de contacto e de improvisación colectiva. Así, sesión tras sesión, irémonos familiarizando coa perspectiva escénica, para desenvolver composicións instantáneas mediante o emprego de aderezos e dos materiais que vaian aparecendo nos obradoiros.