Obradoiro de Teatro
Interpretación e creación escénica
Obradoiro de: 30 horas
Obxectivos:
- Proporcionar ao alumnado competencias básicas no ámbito da interpretación
- Achegar os diferentes sistemas de significación teatral a persoas con ou sen experiencia
- Fomentar o traballo colaborativo en equipo nun ambiente diverso
- Organizar e planificar o traballo en grupo de maneira eficiente
- Dotar de recursos ao alumnado para poder abordar diversos códigos interpretativos
- Capacitar ao alumnado para integrar o seu proceso creativo no ámbito escénico
No primeiro cuadrimestre, daranse os principios básicos da interpretación:
1. Sistemas de interpretación: a alerta escénica, a escoita, a concentración, a imaxinación, a acción-reacción; o traballo en equipo, corporalidade e movemento
2. Prácticas de interpretación: técnica vocal e dicción, achegamento á fala escénica; atención, concentración, ritmo, espazo e tempo
3. Traballo textual: texto e subtexto, intencionalidade, integración do texto na acción dramática
4. Accións físicas: acondicionamento físico, consciencia corporal, calidades de movemento e proxemia
---
Educador/a:
SARA REY SEOANE
Graduada en Historia da Arte pola USC e en Dirección de escena pola ESAD de Galicia e cun Mestrado en Literatura, Cultura e Diversidade pola UDC. Directora de “Antonio e Cleopatra” en “Shakespeare en Roma” para o Centro Dramático Galego, “Iphixenia na porta do súper” para Cía. Humana e “Novecento” de Alessandro Baricco para Ancoraxe, compañía propia fundada xunto a Marcos Grandal. Axundante de dirección de Tito Asorey en “A lúa vai encuberta” de Incendiaria e A Quinta do Cuadrante e en “Recortes, caneos e outras formas de driblar” para Ainé e o Centro Dramático Galego. Como formación complementaria, aprendizaxe con Tito Asorey e Melania Cruz de interpretación e teatro autobiográfico, con Jordi Casanovas de Teatro Documento, con Noemi Rodríguez de creación escénica, con José Díaz en produción de espectáculos entre outras cuestións. Dirección e formación continuada do grupo de teatro Muxicas da ONCE en Ourense.
O alumnado da UDC terá dereito ao recoñecemento de créditos, segundo establece a normativa de aplicación (Resolución reitoral do 17/02/2022)