O LIBRO COMO FERRAMENTA CREATIVA (15 horas)
O libro non é só un contedor de palabras; é un universo en si mesmo. É un obxecto que nos convida a deternos, reflexionar e construír, con tempo e coidado, aquilo que nos conmove e atravesa. Na súa aparente limitación, reside un potencial infinito para a narrativa, a experimentación e a creación. Máis que un medio de comunicación, o libro é un lenzo onde o formal e o creativo se entrelazan a través da linguaxe visual, os formatos e os materiais.
Neste obradoiro, exploraranse as publicacións que colocan a imaxe no centro do discurso. Construiranse narrativas visuais experimentando con códigos, tipoloxías, disposicións, formatos e materiais. Combinando o formal e o experimental, daráselles vida a proxectos únicos.
Docente: Ruth Montiel Arias
Biografía
Ruth Montiel Arias naceu en Palmeira (A Coruña) no ano 1977. É graduada en Artes Aplicadas pola Escola de Artes e Oficios Pablo Picasso da Coruña, mestrada en Imaxe Corporativa pola Universidade Politécnica de Cataluña (Barcelona) e mestrada en Fotografía pola Escola de Fotografía e Cine (EFTI) de Madrid.
Os seus proxectos persoais investigan a relación humana co territorio natural e os conflitos derivados da dominación e opresión animal, ambiental e social. Neste sentido, publicou os fotolibros Ánima, Bestiae, El 2% e From Harm To Healing.
A súa obra foi exposta en institucións culturais e galerías en países como México, Arxentina, Perú, Colombia, Estados Unidos, Alemaña, Holanda, China e España, ademais de difundirse a través de diferentes medios de comunicación como o Diario.es, La Marea, ABC, El País, Vice, Grupo EFE, a RTVE e a TVG. Tamén foi seleccionado en distintos certames de arte, así como para bolsas e residencias artísticas nacionais e internacionais.
O alumnado da UDC terá dereito ao recoñecemento de créditos, segundo establece a normativa de aplicación (Resolución reitoral do 17/02/2022)
Desenvolvemento:
Neste obradoiro centrarémonos nas publicacións que utilizan as imaxes como eixo central do discurso, e en como atopar unha linguaxe a través dunha construción colectiva.
Tomar conciencia da imaxe. (2 horas).
No presente apartado, realizaráse unha análise concisa do uso das imaxes, das canles a través das cales son recibidas, e do estado mental no que nos atopamos durante o seu consumo.
O libro como ferramenta creativa. (3 horas).
Procederáse a analizar diversos tipos de publicacións, considerando a tipoloxía dos elementos empregados, os formatos, as categorías e os materiais utilizados, entre outros aspectos, que serán posteriormente levados ao obradoiro.
Selección de material propio ou apropiado. (2horas).
Iniciaremos o proceso de xeración dun concepto, e, a partir deste, xunto co material traído a clase, comezaremos a seleccionar as imaxes que se alineen coa nosa idea, analizando as razóns detrás de dita selección.
Edición do arquivo recopilado. (3 horas).
Ofreceráse unha explicación sobre en que consiste a edición dun libro con imaxes, seguida do inicio do traballo de edición utilizando o material seleccionado na clase anterior.
Preparar o proxecto para a súa impresión. (3 horas).
É fundamental proporcionar ao alumnado a autonomía necesaria para desenvolver a súa propia publicación. Por iso, esta clase centraráse en ensinar os elementos esenciais para que poidan deseñar o seu libro e preparalo para a impresión, xa sexa na casa ou nunha imprenta profesional. Dado o tempo limitado do obradoiro, este enfoque será necesariamente básico.
Resultado final. (2 horas).
Co material preparado e traído en formato impreso polo alumnado, procederemos á sua montaxe e a análise do resultado final.