Obradoiro de Creación e producción musical
Obradoiro de 30 horas
O presente curso pretende brindar a oportunidade aos alumnos de adentrarse no mundo da música dende un dobre punto de vista, que conxunta a creación musical e a elaboración dun produto; feito que non ten por que ir en detrimento da calidade artística. En palabras do multipremiado produtor Rick Rubin (Red Hot, Adelle, Metallica…): “A produción é o acto de converter a un artista en produto”.
Para chegar a comprender as palabras deste visionario da música dos últimos trinta anos iremos traballando os diversos elementos a ter en conta, dende o nacemento dun pequeno motivo melódico ata a masterización dun traballo discográfico.
Metodoloxía eminentemente práctica
A impartición deste tipo de curso supón o estudo de moitas cuestións técnicas, tanto dende o punto de vista da creación musical como desde cuestións ligadas ao fluxo de traballo nun estudo de grabación. Nembargantes, esta “carga teórica” sempre irá acompañada de prácticas: composición de melodías, orquestación, arranxos, grabación, colocación de micros, mezcla...
A elaboración do Proxecto Final dividirase en dúas partes: a primeira consistirá na composición dunha peza musical que terán que entregar ao final do primeiro cuadrimestre. A segunda suporá a produción dun single a partir da composición anteriormente mencionada, que deberá estar lista ao final do segundo cuadrimestre.
___
ALFREDO GARCÍA SÁNCHEZ
Músico coruñés con máis de 20 anos de carreira, desenvolve a súa vida profesional en diferentes eidos como: a composición, a interpretación, os arranxos , a produción e a docencia.
Destaca como líder de proxectos de inspiración jazzística e vangarda sonora, como Viruxe Electric Trío e Alfredo García Quintet; ademais de colaborar en diferentes proxectos musicais (Black, Sabinaria..) e longametraxes coma Honeymoon.
O alumnado da UDC terá dereito ao recoñecemento de créditos, segundo establece a normativa de aplicación (Resolución reitoral do 17/02/2022)