Na actualidade a creación musical e sonora está moito mais preto do que cremos grazas ás novas tecnoloxías e dos dispositivos dixitais. Neste obradoiro achegaremos de forma práctica e participativa dúas cuestións esenciais para comezar a explorar a edición básica e a creatividade sonora. Por un lado descubriremos as ferramentas dixitais e dispositivos (controladoras, caixas de ritmo, teclados) co seu funcionamento básico para acadar uns resultados óptimos en propostas audiovisuais e por outro como artesás e artesáns do son descubriremos de que xeito manexalos para a composición musical ou creación sonora.

Material necesario: dispositivo informático (ordenador portátil, móbil ou tablet) e auriculares.

Non son necesarios coñecementos musicais previos.

Este obradoiro ten 15 horas de duración.

Docente: Jas Processor

Os obxectivos principais do obradoiro son:

• Entender e entrenar a escoita co fin coñecer as caracaterísticas esenciais do son como materia prima.
• Aprender a manexar o software e hardware necesarios para o tratamento, descomposición e composición creativa das músicas e sons.
• Crear unha composición sonora ou musical propia.

Imaxe: veneportal.com