Obradoiro de Danzas Urbanas (Hip hop, Popping, Locking, Breaking e Freestyle). 

Traballaremos cada técnica, partindo do traballo das bases e da contextualización e estética de cada estilo e aplicarémolo á coreografía e improvisación. 

Este obradoiro ten 15 horas de duración.

Docente: Alba Fernández Cotelo

Obxectivos:

Identificación e interiorización das diferentes danzas urbanas a impartir (Hip hop, Popping, Locking e Breaking), así como a súa técnica, estética e aplicación, tanto para o Freestyle como a nivel coreográfico. 

Serán clases amenas onde chegaremos a un coñecemento global de varios dos estilos da Danza Urbana, tendo o Hip hop como referencia. 

Contidos:

- Contextualización e interiorización de acontecementos históricos, estética e filosofía de cada danza urbana a impartir.  

- Foundations: bounce, rocking, groove (traballo en profundidade).  

- Party Steps (bailes sociais). Coñecemento dos pasos e aplicación no baile de cada alumna.  

- Freestyle (ferramentas para a improvisación dentro das danzas urbanas).  

- Popping: técnica e traballo de paradas, xeometría e ondulacións.  

- Locking: técnica e coreografía.  

- Breaking: introducción á súa técnica básica.  

- Coreografía.  

Imaxe: Arteceibe