Formación en liña na súa totalidade, con titorización e sesións grupais síncronas. Facilitaranse ligazón e chave de acceso para os contidos dixitais e as sesións de videoconferencia grupal
O curso non require a participación do alumnado nun horario específico na meirande parte, xa que os contidos e as actividades estarán dispoñibles en todo momento.
Só haberá tres sesións que si requirirán a participación síncrona do alumnado (18:30), que serán as seguintes videoconferencias grupais (de 1h cada unha):
Charla inicial de benvida e de coñecemento do grupo (6 de abril) Sesión intermedia de titorización conxunta (13 de abril) Sesión final de posta en común de proxectos e despedida (20 de abril)
Respecto á titorización e resolución de dúbidas, o equipo de titorización composto por Marga Rodríguez e Román Castaño responderá a estas mensaxes nun prazo máximo de 48 horas,nas canles que se habilitarán para este fin.
O obradoiro desenvolverase en tres semanas.
Contidos: BenCuriosa + Merenda Creativa
Titorización: Marga Rodríguez e Román Castaño
O alumnado da UDC terá dereito ao recoñecemento de créditos, segundo establece a normativa de aplicación (Resolución reitoral do 23/12/2020).
Obxectivos:
Este obradoiro de edición consiste nunha introdución práctica ao mundo audiovisual a través de diversas dinámicas e exercicios, mediante os cales traballaremos as diferentes fases da creación audiovisual, facendo especial fincapé no proceso de montaxe, co fin de que as persoas participantes poidan aprender a xerar o seu propio contido.
A finalidade desta proposta é facer chegar ao alumnado as ferramentas necesarias para contar as súas historias e darlles forma a través da edición. Estas ferramentas servirán para facer vídeos de todo tipo: sinxelos, máis complexos, puntuais, con continuidade, ficción, entrevistas, etc. Por suposto, o nivel estará adaptado ás características do grupo.
O obxectivo final do obradoiro será gravar e editar unha peza audiovisual completa de curta duración.
Contidos:
O curso, de 15 horas, combinará pequenas pílulas de contido en liña, incluídos exercicios prácticos, cunha parte de traballo práctico titorizado e sesións grupais en contornas virtuais.
Esta formación desenvolverase en liña na súa totalidade, por tanto non require a participación do alumnado nun horario específico na meirande parte do curso, xa que os contidos e as actividades estarán dispoñibles en todo momento. Parte dos contidos estrutúrase en unidades temáticas:
UT1: Colle papel e boli: un repaso á idea e ao guión
UT2: Luces, cámara e acción: un repaso á gravación
UT3: Coñece o Shotcut: a base da edición
UT4: Mergúllate no Shotcut: máis recursos para o teu vídeo
Estes contidos combínanse coa celebración de sesión en liña:
Charla inicial de benvida e de coñecemento do grupo (6 de abril, 18:30) Sesión intermedia de titorización conxunta (13 de abril, 18:30) Sesión final de posta en común de proxectos e despedida (20 de abril, 18:30)
Os contidos audiovisuais son o eixo fundamental de boa parte da comunicación e difusión dun proxecto. Pero para que cumpran a súa función e capten a atencion do público cuestións como a edición deben estar especialmente coidadas.
Neste obradoiro, aberto ao público xeral, pero dirixido especialmente a persoas con ganas de desenvolver a súa creatividade no contexto audiovisual, achegarémonos ás claves da edición de vídeo dun xeito práctico, sen descoidar cuestións previas como o desenvolvemento e guionización dunha idea ou nocións de gravación.
Farémolo con ferramentas accesibles e partindo de cero para quen o precise, a través de pequenas pílulas de contido en liña, incluídos exercicios prácticos, cunha parte de traballo práctico titorizado e sesións grupais en contornas virtuais.