Previamente o usuario deberá pagar o Abono Deporte (30 €, comunidade universitaria) ou a Matrícula (60 €, público en xeral). O estado de reserva implica preinscrición (a reserva non implica que xa non queden prazas). O prazo de reserva de praza para os non universitarios comezará o 5 de outubro.

Impartido pola escola de tempo libre da UDC e homologado pola Xunta de Galicia. Concedido o recoñecemento de 1 crédito por cada 15 h, ata un máximo de 12 créditos para o alumnado de Grao que asista, cando menos, ao 85% das sesións teórico-prácticas impartidas.. No caso de superar o curso e as prácticas se terá acceso ao título de Monitor/a de Actividades de Tempo Libre. Para máis información tamén poden dirixirse ao correo electrónico etl.deportes@udc.es

Horario: sábados e domingos de 9 a 14 e de 16 a 21 horas. Datas: 

Marzo: días 13, 14, 20 e 21
Abril: días 10, 11, 17, 18, 24 e 25
Maio: 1, 2, 8, 9, 15 e 16
Xuño: 16 (horario de tarde), 17 (horario de tarde), 18, 19 e 20

Condicións xerais: -Prezo (a pagar á Escola de Tempo Libre da UDC): *Comunidade universitaria: 280 € (100 € no primeiro prazo de pago e 180 € no segundo prazo) *Público en xeral: 310 € (100 € no primeiro prazo de pago e 210 € no segundo prazo).

-Unha vez aberto o prazo de pagamento, o alumnado deberá presentar a seguinte documentación nas oficinas da Área de Deportes: *Ficha de inscrición debidamente cuberta (facilítase nas oficinas da Área de Deportes) *Fotografía tamaño carné en color *Fotocopia do Título da ESO, Graduado Escolar ou superior. Acéptase a fotocopia da matrícula da UDC. *Fotocopia do DNI por ámbalas dúas partes.

Dentro das horas da fase teórico-práctica do curso van incluídas dúas xornadas de acampada e unha xornada de ruta de sendeirismo.