Esta formación baséase na organicidade do corpo, partindo da relaxación e a mobilidade, desenvolvendo pautas de movemento para desbloquear distintas calidades corporais.

Facilitamos dinámicas de improvisación grupais co fin de adquirir consciencia da contorna que nos arrodea, dos nosos corpos e os seus límites. O obxectivo é que aos poucos o dispositivo transfórmese nun laboratorio de creación colectiva no que poder poñer a proba nosa capacidade de composición escénica e performativa.

Obradoiro de 30 horas de duración.

DOCENTES

Alicia López Méndez é unha artista multidisciplinar adicada ó mundo das artes escénicas, plásticas e audiovisuais. Socia de Laboratorio Escénico Coop., compaxina o seu traballo como intérprete dentro de compañías da escena galega tal e como Nova Galega de Danza, Bengala Teatro Físico e Nauta Teatro.

Alba Fernández Cotelo é bailarina, creadora e profesora de danza. Socia co- fundadora de Laboratorio Escénico Coop, coa que dirixe varios espectáculos multidisciplinares. Co-fundadora da Compañía de danza Exire.  Traballa tamén con outras compañías,como Nova Galega de Danza.