Dende o luns 1 de xuño, o Estadio Universitario de Elviña reabrirá as súas portas seguindo o protocolo deseñado, que ten como obxectivo informar aos usuarios da Pista de Atletismo de Elviña das recomendación de normas para limitar ao máximo as posibilidades de infección por COVID-19, tomando en consideración os factores de risco coñecidos ata o momento.

Este protocolo é de obrigado cumprimento por parte dos deportistas que queiran facer uso das instalacións da pista de atletismo do Estadio de Elviña e será plenamente vinculante, sen prexuízo das normas que se publique por parte da autoridade competente durante o transcurso da pandemia.

Quén poderá facer uso da instalación?

• Atletas federados dos clubs do concello da Coruña que xustifiquen ante os/as responsables da Concellaría de Deportes do Concello da Coruña a necesidade de adestramento en pista.
• Membros da comunidade universitaria con Abono Deporte vixente (logo de facer a reserva correspondente).
• Usuarios con Bono 10 (logo de facer a reserva correspondente) (Importante: os usuarios que tiñan emitido un Bono 10 con tarxeta de cartón, deberán cambialo por unha nova nas oficinas da Área de Deportes solicitando cita previa)

Horarios e quendas

Días de uso: de luns a venres.

• Horario: de luns a venres, de 08:45 h a 20:45 h (horario reducido de verán a partir do 1 de xuño)
• Agosto: de luns a venres, de 08:45 h a 14:45 h (semana grande: peche as 14:00)

Estableceranse quendas de adestramento, que serán notificadas ás persoas interesadas.

Duración máxima de 2 horas e 15 minutos/quenda. (15 minutos de peche entre as quendas de uso)

Consulta aquí a normativa completa.